Noch meh wiä 2 monät i Phuket (genauär i Patong Beach) bini mol wieder am flughafä und wartä uf min nörschtä flug. Ich sitz ufämä unbequemä stuähl i Bangkok und wartä druf dass dä check-in schalter vo dä Delta Airlines ufmacht dassich mis gepäck cha ufgeh. Nöchsti destination isch Tokyo. Det wärdi für ei wuchä blibä, ä alti fründin bsuächä und eväntuäl au no chli d'nochborstädt aluägä. nochanä gohts wieder zrugg uf Bangkok (wiä langwiilig :) aber numä für äs par stund bevors dänn wiiter richtig Indonesiä, gnauär Bali goht.
Aber nomol zrug, i Phuket hani noch dänä zwei mönät alläs gseh obwohli wohrschindlich sehr wänig gseh ha ;) aber irgändwänn ischäs eifoch mol ziit zum wiitergoh. Divemaster usbildig hani jo im sack und di intressantä divesites hani au gseh (bis uf d'höhlänä, aber da isch ä andäri gschicht).
Eigäntlich heti au no gärn uf Malaysia wellä wills grad so nöch gsi wär und au zum tauchä guät isch aber uf di andär siitä, det bini scho gsi und uf Tokyo hani au scho lang welä. Dä termin i Bali (8. juni) isch scho chli länger feschtgschandä, da us andärä gründ (chunt immänä nörschtä blog post). Drum hani mol umäguggäd wiäs flugmässig usgseht und erfreulichärwiis ischäs gar nid schlächt gsi. Ich hoffä ich chum vor ort no äs par insider tips über und wänn au nid, isch sicher mega inträssant i därä 12 milionä stadt (obwohl zlang chenti det alwäg au nid si). Bis jetzt hani mol di erschtä 3 nächt imänä backpacker buächäd, isch grad ä chli än schock noch Thailand. Do hani für än monät appartment (mit AC, TV und wasser/strom) öpä 300 stutz zahlt, i Tokyo sinds 90$ für 3 nächt... Aber so ischäs halt, drum wotti jo au nid ewig do bliibä ;)
No comments:
Post a Comment